၂၀၂၃ ခုနှစ်၊ ကမ္ဘာ့မိုးလေ၀သနေ့ အထိမ်းအမှတ် ဆောင်းပါးပြိုင်ပွဲသို့ ဝင်ရောက်ယှဉ်ပြိုင်ရန် ဖိတ်ခေါ်ခြင်း

Tuesday, February 28, 2023 - 10:45

မိုးလေ၀သနှင့်ဇလဗေဒညွှန်ကြားမှုဦးစီးဌာန၏ (၆၃)ကြိမ်မြောက်၊ ကမ္ဘာ့မိုးလေ၀သနေ့ အထိမ်းအမှတ် အခမ်းအနားကို နေပြည်တော်တွင် ၂၀၂၃ ခုနှစ်၊ မတ်လ (၂၃)ရက်နေ့တွင် ကျင်းပပြုလုပ်မည်ဖြစ်ပါသည်။

အဆိုပါအခမ်းအနားအတွက် အလွတ်တန်း ဆောင်းပါးပြိုင်ပွဲကို "အနာဂတ် မိုးလေ၀သ၊ ရာသီဥတုနှင့် ရေသယံဇာတဖွံ့ဖြိုးကောင်းမွန်ရေး မျိုးဆက်များအားလုံး အလေးထားဆောင်ရွက်ကြပါစို့" ခေါင်းစဉ်ဖြင့် ကျင်းပပြုလုပ်သွားမည်ဖြစ်ပါ၍ အောက်ပါစည်းကမ်းချက်များအတိုင်း ပါဝင်ယှဉ်ပြိုင်နိုင်ပါကြောင်း ဖိတ်ခေါ်အပ်ပါသည်-

- ပြိုင်ပွဲဝင်ဆောင်းပါးများကို A4 ဆိုဒ်စာမျက်နှာအနည်းဆုံး စာမျက်နှာ ၁၀မျက်နှာအထိ ရေးသားယှဉ်ပြိုင်ရမည်ဖြစ်သည်။

- ကွန်ပျူတာစာလုံး Myanmar Unicode (Pyidaungsu Font) စာလုံးအရွယ်အစား-၁၃ (Font Size 13)စာကြောင်း အကွာအဝေး ၁.၁၅ (Line Spacing 1.15)၊ Microsoft Word ဖြင့် ကွန်ပျူတာစာစီ၍ ရေးသားပေးပို့ရမည် ဖြစ်ပါသည်။

- ပြိုင်ပွဲဝင်များ ပေးပို့သည့်စာမူများသည် မိမိကိုယ်တိုင် ဖန်တီးရေးသားထားသည့် စာမူဖြစ်ပြီး၊ ပေးပို့လာသည့် စာမူသည် ဂျာနယ်၊မဂ္ဂဇင်းများနှင့် မီဒီယာများတွင် ဖော်ပြထားပြီးသည့် စာမူများ မဖြစ်စေရပါ။

- ပြိုင်ပွဲဝင်ဆောင်းပါးများကို ပညာရှင်များပါဝင်သော ဆုများစိစစ်ရွေးချယ်ရေးအဖွဲ့ဖြင့် ပွင့်လင်းမြင်သာမှုရှိစွာ စိစစ်ရွေးချယ်သွားမည် ဖြစ်ပါသည်။ ပထမဆု ကျပ် (၃)သိန်း၊ ဒုတိယဆု ကျပ် (၂)သိန်း၊ တတိယဆုကျပ် (၁)သိန်း စုစုပေါင်း(၃)ဆုကို ချီးမြှင့်မည်ဖြစ်ပြီး ဆုငွေနှင့် ဆုတံဆိပ်များ ချီးမြှင့်သွားမည် ဖြစ်သည်။ စာကိုအထောက်အထားဖြင့်ဖော်ပြပါက ကျမ်းကိုးကို ထည့်သွင်းဖော်ပြရမည်။

- ပြိုင်ပွဲဝင်ဆောင်းပါးများကို (Hard/ Soft-copy) တစ်စုံစီ၊ ကိုယ်တိုင်ဖန်တီးရေးသားထားကြောင်း ဝန်ခံကတိပြုချက်၊ပြိုင်ပွဲဝင်သူ၏ အမည်၊ မှတ်ပုံတင်/နိုင်ငံသားစိစစ်ရေးကတ်ပြားအမှတ်၊ ပတ်စပို့အရွယ် ရောင်စုံဓါတ်ပုံ (၃)ပုံ၊ ဆက်သွယ်ရန်လိပ်စာ၊ဖုန်းနံပါတ်တို့နှင့်အတူ လူကိုယ်တိုင်ဖြစ်စေ၊ စာတိုက်မှဖြစ်စေ၊ ဥက္ကဌ၊ ဆောင်းပါးပြိုင်ပွဲကျင်းပရေးလုပ်ငန်းကော်မတီ၊ မိုးလေ၀သနှင့်ဇလဗေဒ ညွှန်ကြားမှုဦးစီးဌာန၊ ကမ္ဘာအေး၊ ရန်ကုန်မြို့၊ ဖုန်း ၀၉-၂၆၀၄၀၀၆၀၈ သို့ ၂၀၂၃ ခုနှစ်၊ မတ်လ (၁၅) ရက်နေ့၊ ညနေ(၄)နာရီ နောက်ဆုံးထား၍ ဆက်သွယ်ပေးပို့နိုင်ပါသည်။စည်းကမ်းချက်များနှင့် မကိုက်ညီသော ဆောင်းပါးများအား ထည့်သွင်းစဉ်းစားမည် မဟုတ်ပါ။

- ဆုရရှိသူများအား မိုးလေ၀သနှင့်ဇလဗေဒညွှန်ကြားမှုဦးစီးဌာန၏ Website (www.dmh.gov.mm) နှင့် Facebook (https://www.facebook.com/dmhmoezalanaypyitaw/)တို့တွင် ကြေညာပေးမည် ဖြစ်ပြီး ဆုပေးပွဲအခမ်းအနားကို ကမ္ဘာ့မိုးလေ၀သနေ့ ဖြစ်သော ၂၀၂၃ ခုနှစ်၊ မတ်လ (၂၃)ရက်နေ့တွင် ကျင်းပသွားမည် ဖြစ်ပါသည်။

ဥက္ကဌ

ဆောင်းပါးပြိုင်ပွဲ ကျင်းပရေးလုပ်ငန်းကော်မတီ

မိုးလေ၀သနှင့်ဇလဗေဒညွှန်ကြားမှုဦးစီးဌာန