DEPARTMENT OF METEOROLOGY AND HYDROLOGY (MYANMAR)
၂၂-၁၂-၂၀၂၄: ယနေ့မြန်မာစံတော်ချိန် (၀၅:၃၀)နာရီအချိန် တိုင်းထွာချက်များအရ ဘင်္ဂလားပင်လယ်အော် အနောက်အလယ်ပိုင်းတွင် ဖြစ်ပေါ်နေသော မုန်တိုင်းငယ်(Depression)သည် သိသိသာသာ ရွေ့လျားခြင်းမရှိဘဲ အားကောင်းသောလေဖိအားနည်းရပ်ဝန်း(Well Marked Low Pressure Area)အဖြစ်သို့ အားလျော့သွားခဲ့ပါသည်။ အဆိုပါ အားကောင်းသောလေဖိအားနည်းရပ်ဝန်းသည် ဘင်္ဂလားပင်လယ်အော်အနောက် အလယ်ပိုင်းတွင် နောက်(၂၄)နာရီအတွင်း ဆက်လက်တည်ရှိနိုင်ပြီး၊ တဖြည်းဖြည်း အားလျော့သွားမည်ဟု ခန့်မှန်း ရပါသည်။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် တိမ်အသင့်အတင့်မှ တိမ်ထူထပ်နေပါသည်။
မိုးခေါင်ခြင်း (Drought)
ပြည်နယ်နှင့်တိုင်း(သို့မဟုတ်)မြို့နယ်တစ်ခုခုအားမိုးခေါင်ခြင်းဖြစ်စဉ်ကိုအောက်ပါအတိုင်းသတ်မှတ်
ပါသည် -
(က) နှစ်ပေါင်း(၃၀)ပျမ်းမျှမိုးရေချိန်ပမာဏထက်(၂၀)ရာခိုင်နှုန်းမိုးလျော့နည်းမှုသည်(၇)ရက်ထက်
ပိုပါကမိုးခေါင်ခြင်းဟုသတ်မှတ်ပါသည်။အဆိုပါမိုးခေါင်ခြင်းသည်သာမန်မိုးခေါင်ခြင်း(Minor
Drought)ဟုသတ်မှတ်ပါသည်။
(ခ) နှစ်ပေါင်း(၃၀)ပျှမ်းမျှမိုးရေချိန်ပမာဏထက်(၅၀)ရာခိုင်နှုန်းနှင့်အထက်လျော့နည်းမှု(၁၅)ရက်ထက်
ပိုပါကအဓိကမိုးခေါင်ခြင်း(Major Drought)ဟုသတ်မှတ်ပါသည်။