၂၀၁၅ခုနှစ်၊ မတ်လ လပတ်အတွက်
မိုးလေဝသခန့်မှန်းချက်
(၂၈- ၂-၂၀၁၅)ရက်နေ့တွင် ထုတ်ပြန်ပါသည်။
ဘင်္ဂလားပင်လယ်အော်အခြေအနေ။
ဘင်္ဂလားပင်လယ်အော်တောင်ပိုင်းတွင်လေဖိအားနည်းရပ်ဝန်း(၁)ကြိမ်ဖြစ်ပေါ်နိုင်ပါသည်။
ကပ္ပလီပင်လယ်ပြင်နှင့်ဘင်္ဂလားပင်လယ်အော်တောင်ပိုင်းတို့တွင်တိမ်အသင့်အတင့်မှတိမ်
ထူထပ်နိုင်ပြီး၊ကျန်ဘင်္ဂလားပင်လယ်အော်တွင်တိမ်အသင့်အတင့်ဖြစ်ထွန်းနိုင်ပါသည်။
မိုးရွာရက်အခြေအနေ။
စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီးနှင့်ကချင်ပြည်နယ်တို့တွင်
(၁၀)ရက်မှ(၁၅)ရက်ခန့်၊ရှမ်းပြည်နယ်၊ချင်းပြည်နယ်၊ကယားပြည်နယ်၊ကရင်ပြည်နယ်နှင့်
မွန်ပြည်နယ်တို့တွင်(၄)ရက်မှ(၆)ရက်ခန့်နေရာကွက်ကျားမိုးထစ်ချုန်း ရွာနိုင်ပြီး၊၊ကျန်တိုင်း
ဒေသကြီးနှင့်ပြည်နယ်တို့တွင်တိမ်အသင့်အတင့်ဖြစ်ထွန်းနိုင်ပါသည်။
နေ့အပူချိန်အခြေအနေ
မန္တလေးတိုင်းဒေသကြီး၊မကွေးတိုင်းဒေသကြီး၊ပဲခူးတိုင်းဒေသကြီး၊ရန်ကုန်တိုင်းဒေသကြီး၊
ဧရာဝတီတိုင်းဒေသကြီး၊၊ကရင်ပြည်နယ်နှင့်မွန်ပြည်နယ်တို့တွင်မတ်လ၏ပျမ်းမျှအပူချိန်တို့
ထက်အနည်းငယ်ပိုနိုင်ပြီး၊ကျန်တိုင်းဒေသကြီးနှင့်ပြည်နယ်တို့တွင်မတ်၏ပျမ်းမျှအပူချိန်ခန့်
သာရှိနိုင်ပါသည်။
မြူ အခြေအနေ
စစ်ကိုင်းတိုင်းဒေသကြီးအထက်ပိုင်း၊ကချင်ပြည်နယ်၊ရှမ်းပြည်နယ်နှင့်ချင်းပြည်နယ်တို့တွင်
(၈)ရက်မှ(၁၀)ရက်ခန့်နှင့်ကျန်တိုင်းဒေသကြီးနှင့်ပြည်နယ်တို့တွင်(၃)ရက်မှ(၅)ရက်ခန့်
နံနက်ပိုင်းတွင်မြူ ထူများဆိုင်းနိုင်ပါသည်။